Davao City – Arestado ang isang lalaki matapos mahuli ng mga tauhan ng Baliok Police Station sa isinagawang follow-up operation sa Davao City, noong Mayo 24, 2022.
Kinilala ni PMaj Romeo Mapanao Jr., Station Commander ng nasabing istasyon ang suspek na si Ronile Tumilap Vismanos, 31, residente ng Purok 10 Seaside, Barangay Lapu Lapu, Agdao District.
Ayon kay PMaj Mapanao Jr., naaresto ang suspek matapos magreport ang isang biktima na nursing student sa Baliok PS, na modus ng suspek na sumakay sa isang pampasaherong sasakyan at nakawan ang mga pasahero ng pasalisi.
Dagdag pa ni PMaj Mapanao Jr., nakuha mula sa suspek ang ninakaw na isang Iphone 11 na nagkakahalaga ng humigit kumulang Php34,000.
Nagpaalala naman ang Police Regional Office 11 na huwag ng magtangka pang gumawa ng masamang gawain dahil hindi sila titigil hangga’t hindi naaaresto ang mga lumalabag sa batas.
###
Panulat ni Patrolman Alfred Vergara
