Santa, Ilocos Sur – Naaresto ng Santa Municipal Police Station ang Top 10 Most Wanted Person ng Brgy. Marcos District, Santa, Ilocos Sur sa Brgy. Calaoaan, Sta. Cruz, Ilocos Sur, nito lamang Miyerkules, Mayo 24, 2022.
Kinilala ni Police Major Andrew Rabang, Chief of Police ng nasabing istasyon ang suspek na si Anita Mata y Peralta, 36, residente ng Brgy. Calaoaan, Sta. Cruz, Ilocos Sur.
Ayon kay PMaj Rabang, naaresto ang suspek sa bisa ng Warrant of Arrest sa kasong Qualified Theft (RPC Art 310) ng mga operatiba ng Santa MPS kasama ang Provincial Drug Enforcement Unit/Provincial Intelligence Unit at Ilocos Sur Police Provincial Office.
Ang tagumpay ng Santa PNP ay bunga ng magandang ugnayan at samahan ng kapulisan at mamamayan para mapanatiling ligtas ang kumunidad sa anumang krimen ng lipunan.
Source: Santa Municipal Police Station, Ilocos Sur
###
Panulat ni Patrolman Dennis P Carinal
