Pinasinayaan ni PMGen Rhodel O Sermonia, TDO, kasama si PBGen Emmanuel B Peralta, RD, PRO 1, ang pamamahagi ng deepwell o patubig para sa mga residente ng Sitio Dinmantal, Brgy Hacienda, Bugallon, Pangasinan nitong Oktubre 21, 2021.
Ang mga dumalo sa nasabing programa ay sina PCol Ronald B Gayo, PD, Pangasinan PPO at Hon Winston Tandoc, Mayor ng Bugallon, Pangasinan.
Ang proyektong ito ay isinagawa para matugunan ang kakulangan sa tubig at para matulungan na rin ang mga lokal na magsasaka para sa kanilang pananim.
Sa ilang bahagi ng Ilokos ay nagiging problema ang kakulangan ng patubig at sa pamamagitan ng proyektong Patubig ng Pulis, maiibsan na ang kanilang alalahanin sa patubig at malaking bagay din sa kanilang pang araw araw na gawain.
Ang nasabing proyekto rin ay nakakatulong sa kampanya ng pamahalaan kontra terorismo.
Nagbigay din ang kapulisan ng mga foodpacks at groserya para sa mga residenteng patuloy na lumalaban sa hamon ng pandemya at sila ay labis na natuwa at nagpapasalamat sa hinandog na tulong ng ating kapulisan.
Katuwang ng Police Regional Office 1 ang mga tauhan ng Pangasinan 1st PMFC mula sa pamumuno ni PCol Roel R Sermese, Force Commander sa pagpapatupad ng nasabing proyekto.
#####
Article by Police Executive Master Sergeant Anne Macabitas
