Bulacan – Matagumpay ang isinagawang Feeding Program ng Meycauayan City PNP sa Barangay Pandayan, Meycauayan City, Bulacan nito lamang Martes, May 24, 2022.
Ito ay sa pamumuno ni Police Lieutenant Colonel Leandro Gutierrez, Acting Chief of Police ng Meycauayan City Police Station kasama ang Barangay Officials ng nasabing barangay.
Humigit kumulang 50 na bata ang nabigyan ng libreng sopas sa nasabing lugar.
Ayon kay PLtCol Gutierrez, lubos na nagpapasalamat ang mga magulang ng mga bata sa PNP sa libreng pagkain na naibigay sa kanilang anak.
Layunin ng aktibidad na mapagtibay ang ugnayan ng PNP sa mga mamamayan upang maging kaisa sa pagpapanatili ng kapayapaan at seguridad sa ating bansa.
###
Panulat ni PCpl Jeselle V Rivera
