Davao de Oro – Patay ang isang pulis habang ginagampanan ang kanyang sinumpaang tungkulin para sa bansa sa Montevista, Davao de Oro, noong Mayo 25, 2022.
Kinilala ang magiting na pulis na si PSSg Erull Millana, 35, residente ng Brgy. Linoan, Montevista, Davao de Oro, nakatalaga sa Montevista Municipal Police Station.
Ayon kay PCpt Noel Hista, Acting Chief of Police ng nasabing istasyon, napatay si PSSg Millana matapos rumesponde sa isang reported incident na diumano ang mga suspek ay nanutok ng baril sa isang residente sa nasabing bayan.
Habang sa panayam naman sa asawa ni PSSg Millana na si Mrs. Nerissa Cubar Millan, kwinento niya na ang kanyang asawa ay mapagmahal na ama sa kanilang mga anak, mabuting kaibigan at maalagang asawa.
Naulila ni PSSg Millana ang dalawang maliliit na anak na ang isa ay magdiriwang ng unang kaarawan sa darating na Hunyo 8, 2022.
Agad naman na pinuntahan at dinalaw ni PBGen Benjamin Silo Jr., PRO11 Regional Director ang lamay ni PSSg Millan upang magpaabot ng tulong sa pamilya na naulila nito.
###
Panulat ni Patrolman Alfred Vergara
