Limay, Bataan – Naghandog ang Limay PNP ng rice packs sa Barangay Saint Francis II, Limay, Bataan ngayong Martes, May 24, 2022.
Ang aktibidad ay alinsunod sa Community Outreach Program ng PNP sa pamumuno ni Police Colonel Romell Velasco, Provincial Director ng Bataan PNP at pinangunahan ni Police Major Gerald John L Bautista, Chief of Police ng Limay Municipal Police Station kasama ang kanyang mga tauhan.
Humigit kumulang 50 packs ng bigas ang ipinamahagi sa mga tricycle driver ng nasabing lugar.
Ayon kay PMaj Bautista, lubos na nagpapasalamat ang mga tricycle driver sa PNP sa pagbibigay tulong sa kanila.
Layunin ng aktibidad na makapag-abot ng pangunahing tulong sa mga mamamayan na lubos na nangangailangan lalo na ngayong panahon ng pandemya.
###
Panulat ni PCpl Jeselle V Rivera
