La Trinidad, Benguet – Iginawad sa 21 tauhan ng Cordillera PNP ang Order of Lapu-Lapu Rank of Kamagi sa Camp Major Bado Dangwa, La Trinidad, Benguet nito lamang Lunes, Mayo 23, 2022.
Ayon kay Police Brigadier General Ronald O Lee, Regional Director, Police Regional Office Cordillera, ito ay bilang pagkilala sa makabuluhang papel ng mga nasabing awardees sa pagpapalaya sa Marawi City noong 2017.
Sa buong bansa ay may kabuuang 819 na PNP personnel ang napili na tumanggap ng nasabing parangal kung saan nauna ng nakatanggap ang 52 noong 2017.
Ang Order of Lapu-Lapu partikular na ang Rank of Kamagi ay ipinagkaloob ng Pangulo ng Pilipinas bilang pagkilala sa natatangi at huwarang serbisyong ginawa at ipinakita ng mga opisyal at tauhan ng gobyerno, ganundin, ang mga pribadong indibidwal.
Ang medalyang ito ay ibinibigay sa mga aktibong lumahok at may malaking naiambag sa isang aktibidad alinsunod sa isang kampanya o adbokasiya ng Pangulo at ng Pamahalaan ng Pilipinas.
Ang parangal ay isang patunay ng pagganap ng mga pulis sa kanilang sinumpaang tungkulin na hindi lamang ordinaryong sakripisyo ang kanilang ipinamalas kundi pag-alay ng iisang buhay.
###
