Talisay City, Cebu – May kabuuang 65 personalidad ang nahuli at naaresto ng mga miyembro ng Talisay City Police Station sa dalawang araw na pagpapatupad ng Simultaneous Anti-Criminality Law Enforcement Operation (SACLEO) sa Talisay City.
Ang naturang operasyon ay sinimulan noong ika-21 ng Mayo at aktibong pinangunahan ng Chief of Police ng Talisay City PS, Police Lieutenant Colonel Randy Caballes.
Ayon kay Police Lieutenant Colonel Caballes, ang SACLEO ay isang kampanya laban sa iba’t ibang uri ng kriminalidad na sabay-sabay na pinamumunuan sa buong lalawigan ng Cebu para mapababa ang mga kriminalidad, pag-account ng wanted person at nang maipatupad ang mga lokal na ordinansa.
Ayon pa kay Police Lieutenant Colonel Caballes, sa mga operasyon na ikinasa ng kapulisan, naaresto ng pulisya ang 6 na personalidad para sa ilegal na droga, 13 para sa ilegal na sugal, at 3 para sa serbisyo ng mga warrant.
Dagdag pa ni Police Lieutenant Colonel Caballes, 4 ang naiturn-over ng mga expired/ unrenewed firearms para sa Oplan Katok at 39 ang nahuli at nagbigay ng traffic citation ticket para sa iba’t ibang paglabag sa trapiko.
Samantala, may kabuuan naman na 125 gramo ng shabu ang nakumpiska ng mga awtoridad na may tinatayang Standard Drug Price na Php850,000.
Ayon kay PLtCol Randy T Caballes ang walang humpay na kampanya laban sa kriminalidad ng pulisya ay isang pangako na magbigay ng mapayapang komunidad kung saan ang bawat Talisaynon ay nakatitiyak sa kanilang kaligtasan.
###
