Parañaque City — Tinatayang Php408,000 ang nakumpiska sa anim na suspek sa buy-bust ng Southern Police District nito lamang Linggo, Mayo 22, 2022.
Kinilala ni Police Brigadier General Jimili Macaraeg, District Director ng SPD ang mga suspek na sina Datupuwa Kanapia Datumantang (HVI pusher), 32; Babydhats Kaliman Midtimbang (HVI Maintainer ng Drug Den), 31; Frederick Bautista Montilla (SLI/Pusher), 23; Alfredo Cinco Montilla (SLI Pusher), 67; Sarah Jane Lumabao Alon (SLI Pusher), 27; at Nadeen Junio Pedragosa (SLI Pusher), 25.
Ayon kay PBGen Macaraeg, naaresto ang mga suspek bandang 9:20 ng gabi sa Ninoy Aquino Avenue, Barangay San Dionisio, Paranaque City sa pinagsanib puwersa ng DDEU-SPD, DID at DMFB-SPD.
Narekober sa mga suspek ang 16 heat-sealed transparent plastic sachet na naglalaman ng hinihinalang shabu na may bigat na humigit-kumulang 60 gramo at may Standard Drug Price na Php408,000, isang light brown coin purse, at isang genuine Php500 na ginamit bilang buy-bust money.
Mahaharap ang mga suspek sa kasong paglabag sa Sections 5, 6 at 11 sa ilalim ng Art II ng RA 9165 o Comprehensive Dangerous Drugs Act of 2002.
“Sisiguraduhin ko na patuloy nating paiigtingin ang ating kampanya laban sa ilegal na droga. Kailangan nating puksain ito dahil karamihan sa mga krimeng ginawa ay may kinalaman sa droga, kaya kung mababawasan natin ang supply ng substance na ito ay mababawasan natin ang mga krimen,” ani PBGen Macaraeg.
Source: SPD PIO
###
Panulat ni PSSg Remelin M Gargantos
