Tabuk City, Kalinga – Timbog ang Top 10 Regional Drug Personality sa buy-bust operation ng Kalinga PNP sa Purok 7 Bakras, Bulanao Centro, Tabuk City, Kalinga nito lamang Huwebes, Mayo 20, 2022.
Kinilala ni Police Colonel Peter Tagtag Jr., Provincial Director ng Kalinga Police Provincial Office ang suspek na si Gian Vincent Dela Cruz y Malannag, 29, residente ng Junction Nambaran, Tabuk City, Kalinga.
Ayon kay PCol Tagtag ang suspek ay naitala bilang Street Level Individual (SLI) at tinaguriang Top 10 Drug Personality ng regional level at naaresto sa pinagsamang operatiba ng Kalinga PPO sa pangunguna ng Philippine Drug Enforcement Unit/Provincial Intelligence Unit at sa pakikipag-ugnayan sa Philippine Drug Enforcement Agency (PDEA).
Dagdag pa ni PCol Tagtag, nakuha mula sa suspek ang isang medium size sachet na naglalaman ng 3.0 gramo ng hinihinalang shabu na nagkakahalaga ng Php20,400, perang ginamit bilang buy-bust money, isang cellphone at isang Honda XRM 125 na motorsiklo.
Ang suspek ay nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Ang pagkakadakip sa suspek ay resulta ng mas pinaigting na kampanya ng Kalinga PNP kontra sa ilegal na droga katuwang ang mga mamamayan upang tuldukan ang problema na ito sa nasabing lalawigan.
Source: https://www.facebook.com/100009991715687/posts/1748621065480934/?app=fbl
###
Panulat ni Patrolwoman Febelyne C Codiam
