Zamboanga del Sur – Timbog ang isang wanted person sa kasong rape kaugnay ng RA 7610 sa isinagawang paghahain ng Warrant of Arrest ng puwersa ng PNP noong Mayo 18, 2022.
Kinilala ni Police Colonel Christopher Panapan, Provincial Director, Lanao del Sur PPO, ang suspek na si Nathaniel Pañares Cabelte, 33, residente ng Brgy. Ranao Ibaning, Amai Manabilang, Lanao del Sur.
Ayon kay PCol Panapan, naaresto ang suspek sa Purok Anahaw, Mabini St., Brgy. Poblacion, Aurora, Zamboanga del Sur ng pinagsanib puwersa ng Amai Manabilang Municipal Police Station, 1st Provincial Mobile Force Company, Lanao Del Sur Police Provincial Office, Provincial Intelligence Unit-LDSPPO, Aurora MPS, Zamboanga del Sur PPO, 1st ZSPMFC, at Regional Intelligence Unit.
Samantala, ang Police Regional Office Bangsamoro Autonomous Region ay hindi titigil na gampanan ang mandato nito sa pagsasagawa ng mga manhunt operation na may aktibong partisipasyon ng komunidad sa pagbibigay ng maaasahang impormasyon sa kinaroroonan ng mga wanted person.
###
Panulat ni Patrolman Charlie Nasroden Corpuz
