Subic, Zambales – Tinatayang Php357,000 ang nasabat sa dalawang suspek sa buy-bust operation ng Zambales PNP nito lamang Huwebes, Mayo 19, 2022.
Kinilala ni Police Major Noel Sitjar, Officer-in-Charge ng Subic Municipal Police Station ang mga suspek na sina Chrismer Supilto Romero alyas “Topoy”, 27, residente ng Brgy. Calapacuan, Subic, Zambales; at Jeffrey Mawalil, Ussam, 58, residente ng Brgy. Calapandayan, Subic, Zambales.
Ayon kay PMaj Sitjar, nahuli ang mga suspek sa P-6, Brgy. Calapacuan, Subic, Zambales ng pinagsanib puwersa ng Station Drug Enforcement Unit-Subic MPS, Philippine Drug Enforcement Agency-Zambales, Provincial Intelligence Unit-Zambales Police Provincial Office, at Provincial Drug Enforcement Unit-Zambales PPO.
Dagdag pa ni PMaj Sitjar, nakumpiska mula sa mga suspek ang pitong sachet na naglalaman ng hinihinalang shabu na may timbang na 52.5 gramo na tinatayang nagkakahalaga ng Php357,000, buy-bust money at itim na coin purse.
Nahaharap ang mga suspek sa kasong paglabag sa Section 5 at 11 ng Republic Act 9165 o Comprehensive Dangerous Drugs Act of 2002.
Patuloy pa rin ang PNP sa pagsasagawa ng mga operasyon upang makamit ang isang malaya at mapayapang lugar na ligtas mula sa ilegal na droga at kriminalidad.
###
Panulat ni Police Corporal Faith A Sangeles
