Plaridel, Quezon – Arestado ang isang babaeng wanted sa kasong Qualified Theft sa manhunt operation ng Plaridel PNP nitong Huwebes, Mayo 19, 2022.
Kinilala ni Police Lieutenant Genaro Magmanlac, Acting Chief of Police ng Plaridel Municipal Police Station ang suspek na si alyas Juana, 23, residente ng Brgy. Inalig, Atimonan, Quezon.
Ayon kay Police Lieutenant Marmanlac, bandang 10:30 ng gabi naaresto ang suspek sa Brgy. Duhat, Plaridel, Quezon ng mga operatiba ng Plaridel Municipal Police Station sa bisa ng Warrant of Arrest para sa kasong Qualified Theft.
Ang tagumpay na operasyon ng Pambansang Pulisya ay resulta ng pinaigting na koordinasyon at pakikipag-ugnayan sa mga miyembro ng Barangay Intelligence Network sa pagbibigay ng tamang impormasyon.
###
Panulat ni PEMS Joe Peter Cabugon/RPCADU 4A
