Legaspi City – Nagsagawa ng random drug testing ang Police Regional Office 5 sa mga kapulisan sa buong rehiyon nitong Miyerkules, Mayo 18, 2022.
Pinangunahan ni Police Brigadier General Mario Reyes, Regional Director, Police Regional Office 5 ang surprise drug test sa hanay ng PNP Bicol upang tiyakin na ang kapulisan ay hindi sangkot sa ipinagbabawal na paggamit ng droga.
Nakiisa ang Police Provincial Office at City Police Office sa random drug testing. Nasa 10 na kapulisan ng Albay PPO, 30 sa Camarines Norte PPO, 35 sa Camarines Sur PPO, 31 sa Catanduanes PPO, 100 sa Masbate PPO, 14 sa Sorsogon PPO at 100 sa Naga City Police Office ang mga sumailalim sa naturang aktibidad.
May kabuuang 372 na kapulisan ang sumailalim sa surprise drug test na sabay sabay na isinagawa sa buong rehiyon.
Ayon kay PBGen Reyes, ang random drug testing na ito ay isa lamang sa mga manipestasyon ng ating pangako na tiyakin ang ating mga kapulisan ay hindi sangkot sa ipinagbabawal na paggamit ng droga. Dahil totoo na gusto natin gawing drug free ang ating komunidad at bilang mga nagpapatupad ng batas, dapat tayo ang unang sumunod dito.
Source: KASUROG Bicol
###
Panulat ni Patrolman Rodel Grecia
