Paracale, Camarines Norte– Tinatayang umabot sa Php102,000 halaga ng shabu ang nakumpiska sa isang suspek sa buy-bust operation ng Camarines Norte PNP nitong Huwebes, Mayo 19, 2022.
Kinilala ni Police Colonel Julius Guadamor, Provincial Director ng Camarines Norte Police Provincial Office ang suspek na si alyas “Leo”, 42, minero, residente ng Barangay Luklukan Sur, Jose Panganiban, Camarines Norte at kabilang sa listahan ng Regional Recalibrated Priority Database on Illegal Drugs.
Ayon kay Police Colonel Guadamor, naaresto ang suspek bandang 9:40 ng gabi sa Purok 1, Barangay Tugos, Paracale, Camarines Norte ng pinagsanib na operatiba ng Regional Police Drug Enforcement Unit (RPDEU), Provincial Intelligence Unit- Camarines Norte at Paracale Municipal Police Station.
Ayon pa kay Police Colonel Guadamor, nakuha mula sa suspek ang 15 gramo ng hinihinalang shabu na tinatayang may Standard Drug Price na Php102,000, buy-bust money na Php500 at boodle money na Php33,500.
Nahaharap ang suspek sa kasong paglabag sa Comprehensive Dangerous Drugs Act of 2002.
Source: Paracale Municipal Police Station- Camarines Norte PP
###
Panulat ni Patrolman Rodel Grecia
