Camp Crame, Quezon City — Nasungkit ng PNP Special Action Force ang pagiging kampeonato sa elimination round ng Pulis Got Talent National Edition, Solo at Group Category na ginanap sa PNP Multi-Purpose Center nitong Huwebes at Biyernes, May 19-20, 2022.
Nakakuha ng 92.67% si PCpl Kenneth Garingo sa solo samantala 94.43% naman ang naging puntos ng SAF Band sa Group Category.
Nagpakita ng talento sa impersonation at pagkanta Si PCpl Garingo kung saan sa kasalukuyan ay naka mahigit 1.7 million views na ang kanyang naturang video sa Official Facebook page ng Police Community Affairs and Development Group (PCADG) [https://www.facebook.com/watch/?v=995096557871428] at inaasahan pa itong darami sa susunod na mga araw.
Gayundin ang SAF band kung saan ipinarinig nila sa madla ang kanilang orihinal na komposiyon na kanta.
Nagpamalas din ng galing ang labindalawa pang kalahok sa Group Category sa sayaw, kanta at pagguhit.
Ang mga nanalo ang sasalang sa Grand Final Showdown at magiging representative ng National Support Units laban sa lahat ng kampeon sa Rehiyon.
Nagbigay naman ng intermission number ang PNP-PCADG Combo sa Group category kasama ng mga tinaguriang “the Singing Generals ng PNP” na sina Police Brigadier General Niño David Rabaya ng PRBS at si Secretary of Directorial Staff na si PBGen John Guyguyon.
Masayang natapos ang pagtatanghal bagamat di pinalad ang ibang kalahok sa Top 3, lahat sila’y naging parte sa ginanap na progama lalo na sa pagbibigay ng inspirasyon sa mga manonood at sa mga netizens.
###
PCpl Jhoanna Marie Najera-Delos Santos
