Tubaran, Lanao del Sur – Ginulantang ng malakas na pagsabog ang bayan ng Tubaran, Lanao del Sur noong Huwebes, Mayo 19, 2022.
Ayon kay PCol Christopher Panapan, Provincial Director, Lanao del Sur Police Provincial Office, ang nangyaring pagsabog ay 20 metro lang ang layo sa Political Headquarters ni Mayoralty Candidate, Nashif Madki.
Hinihinalang M203 Grenade Launcher ang sumabog sapagkat nag-iwan ito ng malaking butas sa pinangyarihan ng pagsabog.
Matapos matanggap ang report ukol sa nasabing pagsabog ay agad na nirespondehan ng Tubaran Municipal Police Station kasama ang 2nd Provincial Mobile Force Company Lanao del Sur.
Inaalam na kung sino ang salarin sa nangyaring pagsabog at kung ano ang motibo nito.
Wala namang naiulat na nasaktan at nasirang ari-arian sa nasabing pagsabog.
Samantala, mas lalong hihigpitan ng PNP ang pagpapatrolya sa lalawigan ng sa ganun ay wala ng ganitong insidente pa ang mangyari at maiwasan ang oportunidad ng mga taong gustong gumawa ng hindi kanais-nais sa lugar.
###
Panulat ni Patrolman Mark Vincent Valencia
