Maramag, Bukidnon – Arestado ang Top 3 Most Wanted Person (Provincial Level) sa kasong Murder sa isinagawang Manhunt Charlie ng Bukidnon PNP nito lamang Miyerkukes, Mayo 18, 2022.
Kinilala ni Police Major Charlie Nemeño, Chief of Police ng Maramag Municipal Police Station, ang naaresto na si Bernard Calibayan Cabaya, 33, residente ng Purok 3, Bangkal, La Roxas, Maramag, Bukidnon.
Ayon kay PMaj Nemeño, nadakip ang suspek bandang 10:00 ng umaga sa kanyang mismong tirahan ng mga operatiba ng Maramag Municipal Police Station at Alamada Municipal Police Station sa pangunguna ni PMaj. Bryan Espinosa, Chief of Police.
Ayon pa kay PMaj Nemeño, naaresto ang suspek sa bisa ng Warrant of Arrest sa kasong Murder na walang rekomendadong piyansa.
Hinihikayat ng Pambansang Pulisya sa mga taong nagtatago sa batas na mas mabuti ng sumuko na lamang upang mapairal ang kapayapaan dahil ang PNP ay patuloy sa kanilang hakbang upang hulihin ang bawat personalidad na may pananagutan sa batas.
###
Panulat ni Patrolman Jomhel Tan/RPCADU 10
