Trento, Agusan del Sur – Patay ang isang lalaki matapos pagbabarilin ng tatlong di-nakilalang suspek nito lamang Miyerkules, Mayo 18, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang biktima na si Alejandro Notarte Jr, 42, magsasaka at residente ng Sitio Taogdan, Imelda, Bunawan, Agusan del Sur.
Ayon kay PCol Canlapan, bandang 3:00 ng hapon ng biglang pagbabarilin ang biktima sa Purok 1-C, Brgy. Manat, Trento, ADS matapos parahin ng tatlong di-nakilalang suspek habang nagmamaneho pauwi kasama ang dalawang sakay nito na si Mutya Repesada at isang menor-de-edad.
Ligtas naman ang dalawang sakay nito ngunit ang biktimang si Notarte ay agad binawian ng buhay matapos magtamo ng ilang tama ng bala sa iba’t ibang parte ng katawan.
Dagdag pa ni PCol Canlapan, tinurn-over ng pamilya ng biktima ang anim na basyo ng pinaniniwalaang bala ng caliber .45 pistol sa mga tauhan ng Trento Municipal Police Station.
###
Panulat ni Patrolman Jhunel Cadapan/RPCADU13
