Lapu-Lapu City – Arestado ang isang suspek matapos makuhanan ng mahigit Php1 milyong halaga ng shabu sa buy-bust operation ng Lapu-Lapu City PNP nito lamang Huwebes, Mayo 18, 2022.
Kinilala ni PBGen Roque Eduardo DP Vega, Regional Director ng Police Regional Office 7 ang suspek na si Christine Amodia Monte De Ramos alyas “Tin”, 26 taong gulang.
Ayon kay PBGen Vega, naaresto ang suspek bandang 1:50 ng madaling araw sa Sitio Sta. Ana, Brgy. Poblacion, Toledo City, Cebu ng mga operatiba ng City Drug Enforcement Unit, Lapu-Lapu City Police Office.
Ayon pa kay PBGen Vega, nakumpiska sa suspek ang mahigit kumulang 160 gramo ng hinihinalang shabu na may tinatayang halaga na Php1,088,000.
Kasong paglabag sa RA 9165 o ang Comprehensive Dangerous Drugs Act of 2002 ang kakaharapin ng suspek.
Sinisiguro naman ng kapulisan ng rehiyon siete na mas paiigtingin pa nila ang kampanya laban sa ilegal na droga at iba pang uri ng kriminalidad.
###
Panulat ni Patrolman Aivan Guisadio
