Calintaan, Occidental Mindoro – Arestado ng Calitaan PNP ang dalawang personalidad matapos mahuling nangingisda ng walang permit sa Calintaan, Occidental Mindoro nitong Martes, May 17, 2022.
Kinilala ni Police Colonel Simeon Gane Jr, Provincial Director ng Occidental Mindoro Police Provincial Office ang mga naaresto na sina Christopher Benoza Villadarez, 33, at Ronnie Ayon Domingo, 47, kapwa residente ng Brgy. Malawaan, Rizal, Occidental Mindoro.
Ayon kay PCol Gane Jr, naaresto ang mga suspek bandang alas 11:35 ng umaga habang nangingisda ng walang lisensya nang magsagawa ang mga tauhan ng Calintaan Municipal Police Station kasama ang Poblacion Bantay Dagat ng Anti-Illegal Fishing operation sa dagat ng Calintaan, Occidental Mindoro.
Ayon pa kay PCol Gane Jr, narekober mula sa mga suspek ang humigit-kumulang 4 na kilo ng iba’t ibang uri ng isda at lamang dagat.
Source: Occidental Mindoro Police Provincial Office
###
Panulat ni Patrolman Jorge Michael C Bardiago
