Quezon City – Nagsagawa ng Community Outreach Program ang National Capital Region Police Office (NCRPO) sa Moral Street, Brgy. Bagong Pag-asa, Quezon City bandang alas-2:00 ng hapon, nito lamang Lunes, Mayo 16, 2022.
Ang aktibidad ay pinangunahan ni Police Colonel Lambert Suerte, Force Commander, sa pakikipagtulungan ni Police Colonel Romy Palgue, Chief, RCADD kasama ang RIU-NCR, JTF-NCR, at mga tauhan ng Quezon City Police District.
Namigay ng may kabuuang 500 bags ng bigas, 500 burgers at fruit juice ang ipinagkaloob sa 500 na benepisyaryo na mula sa Sandigan ng Maralitang Nagkakaisa – SAMANA former KADAMAY Alcoy Chapter, San Roque Vendors Association, MAGIC 10 Federation, Samahang Nagkakaisa para Karapatan sa Paninirahan (SNKP), at Samahang Nagkakaisang Muslim at Kristiyano (SNMK).
Kasabay nito, nagpaabot din sila ng tulong pinansyal sa mga nagdiwang ng kanilang kaarawan.
Ang aktibidad ay nagsimula sa isang dayalogo sa pagsisikap ng pamahalaan na tapusin ang Local Communist Armed Conflict (ELCAC) na nakasaad sa Presidential Executive Order No. 70.
Samantala, muling gumulong ang programa ng RMFB na “Gulong ng SUERTE Reloaded” kung saan nakapamigay ang PNP ng isang bagong wheelchair kay Jacinto Caminade, 63, dating security guard, at putol ang kaliwang paa dahil sa komplikasyon sa diabetes.
Sa kabilang banda, naipamahagi rin nila ang IEC materials patungkol sa bakuna sa COVID-19, Anti-Illegal Drugs, at ELCAC.
Ang NCRPO ay patuloy ang pagbibigay ng tulong sa ating mga kababayan upang maipadama ang pagmamahal na mula sa ating pamahalaan. Ika nga, “Magtrabaho nang Maayos at Tama, Isapuso ang Disiplina.”
Source: RMFB NCRPO
###
Panulat ni PSSg Remelin M Gargantos
