Nueva Vizcaya – Tumanggap ng livelihood equipment ang apat na former rebels mula sa Department of Labor and Employment sa tulong ng Nueva Vizcaya PNP sa Camp Saturnino, Bayombong, Nueva Vizcaya nitong Martes, Mayo 17, 2022.
Ayon kay Police Colonel Ranser Evasco, Provincial Director ng Nueva Vizcaya Police Provincial Office, tatlo sa mga dating rebeldeng ito ay mula sa bayan ng Villaverde at ang isa naman ay mula sa Bagabag, Nueva Vizcaya.
Nakatanggap ang mga benepisyaryo ng dalawang Welding Service Kit at dalawang Organic Vegetable Production Kit na nagkakahalaga ng humigit kumulang Php30,000 bawat isa.
Dagdag pa ni PCol Evasco, layunin ng aktibidad na maiparamdam sa mga dating rebelde na nagpasyang magbalik-loob ang tulong at malasakit ng pamahalaan sa tulad nila.
Samantala, lubos naman ang naging pasasalamat ng apat na benepisyaryo sa natanggap nila mula sa gobyerno sa tulong na rin at gabay ng Nueva Vizcaya PPO.
Patuloy naman ang Nueva Vizcaya PNP kasama ng iba’t ibang ahensya ng pamahalaan sa pagpapaigting ng kampanya laban sa terorismo sa kanilang nasasakupan. Hinikayat din nila ang iba pang mga natitirang miyembro ng teroristang grupo na sumuko na at magbalik-loob sa gobyerno upang makapamuhay ng tahimik kasama ng kanilang mga pamilya.
Source: Nueva Vizcaya Police Provincial Office
###
Sa panulat ni Police Staff Sergeant Mary Joy D Reyes
