Talisay City, Cebu – Nasabat ang tinatayang Php340,000 halaga ng shabu sa buy-bust operation ng Talisay City PNP nito lamang Sabado, Mayo 14, 2022.
Kinilala ni PBGen Roque Eduardo DP Vega, Regional Director ng Police Regional Office 7, ang suspek na si Kharly Requeron Cabando, 26 taong gulang.
Ayon kay PBGen Vega, naaresto ang suspek bandang 10:48 ng gabi sa Sitio Salvador, Brgy. Tangke, Talisay City, Cebu ng mga operatiba ng Talisay City Police Station Drug Enforcement Unit.
Ayon pa kay PBGen Vega, nakuha sa suspek ang 10 transparent plastic sachet na may higit-kumulang 50 grams ng hinihinalang shabu na may tinatayang halaga na Php340,000, isang black pouch na ginamit bilang lalagyan at buy-bust money.
Ang pagkakadakip sa suspek ay resulta ng patuloy na kampanya ng PNP laban sa ilegal na droga at dahil na rin sa tulong ng mga mamamayan upang makamit ang adhikain na gawing drug free ang Rehiyon Siete sa pamumuno ni PBGen Roque Eduardo DP Vega.
###
Panulat ni Patrolman Aivan Guisadio
