Maydolong, Eastern Samar – Arestado ang isang lalaking drug pusher sa buy-bust operation ng Maydolong PNP nito lamang Martes ng umaga, Mayo 17, 2022.
Kinilala ni Police Lieutenant Duane Relano, Chief of Police ng Maydolong Municipal Police Station ang naaresto na si Eric Bulan Moreno, 42, may asawa, driver at residente ng Brgy. Algeria, Ormoc City.
Ayon kay PLt Relano, nahuli ang suspek bandang 7:20 ng umaga sa Brgy Maybocog, Maydolong, Eastern Samar ng mga operatiba ng Maydolong Municipal Police Station katuwang ang PDEA RO8 ESPO, ESPPO, PDEU at ESPPO PIU.
Ayon pa kay PLt Relano, nakumpiska kay Moreno ang isang heat-sealed transparent plastic sachets na naglalaman ng puting crystalline substance na hinihinalang shabu (subject for sale), tatlong heat-sealed transparent plastic sachets na naglalaman ng puting crystalline substance na hinihinalang shabu (subject of possession) at isang 500 peso bill kasama ang boodle money na ginamit sa nasabing operasyon.
Patuloy ang ginagawang operasyon ng kapulisan ng Maydolong MPS upang tuluyan nang masawata ang mga taong sangkot sa ilegal na droga.
###
Panulat ni Patrolwoman Rialyn B Valdez
