Sariaya, Quezon – Arestado ang isang Wanted Person sa kasong RA 9165 sa ikinasang operasyon ng Sariaya PNP nito lamang Lunes, Mayo 16, 2022.
Kinilala ni Police Brigadier General Randy Peralta, Director ng PNP Drug Enforcement Group, ang suspek na si Roosevelt Ilao Vendiola, nasa wastong gulang at residente ng Sito Tangke, Brgy. Castañas, Sariaya, Quezon.
Ayon kay PBGen Peralta, bandang 6:00 ng gabi naaresto si Vendiola sa Landicho St. Brgy. Poblacion 3, Sariaya, Quezon ng mga operatiba ng Special Operations Unit 4A – PNP DEG at Sariaya Municipal Police Station.
Ayon pa kay PBGen Peralta, naaresto si Vendiola sa bisa ng Warrant of Arrest sa kasong RA 9165 o Comprehensive Dangerous Drugs Act of 2002 na may rekomendadong piyansa na Php200,000.
Ang PNP ay patuloy sa pagsasagawa ng operasyon laban sa mga taong may pananagutan sa batas upang mapanatiling ligtas at maayos ang komunidad.
Source: PNP Drug Enforcement Group
###
Panulat ni Police Executive Master Sergeant Elvis Arellano
