Aroroy, Masbate – Arestado ang isang LGU watchman sa isang lalaki sa buy-bust operation ng Aroroy PNP sa Purok 1, Barangay Talabaan, Aroroy, Masbate nitong Biyernes ng gabi Mayo 13, 2022.
Kinilala ni Police Lieutenant Colonel Ryan Atanacio, Chief of Police ng Aroroy Municipal Police Station, ang naaresto na si Saredon Jazul Tuazon, 49, LGU Watchman at residente ng nasabing barangay.
Ayon pa kay PLtCol Atanacio, nahuli ang suspek bandang 10:35 ng gabi sa Purok 1, Barangay Talabaan, Aroroy, Masbate sa buy-bust operation ng mga operatiba ng Aroroy Municipal Police Station.
Ayon pa kay PLtCol Atanacio, nakumpiska kay Tuazon ang labing tatlong heat-sealed transparent plastic sachets na naglalaman ng hinihinalang shabu na tumitimbang ng humigit kumulang 50 grams o tinatayang nagkakahalaga ng Php340,000.
Dagdag pa ni PLtCol Atanacio, nakuha rin sa suspek ang isang 500 peso bill kasama ang boodle money na ginamit sa nasabing operasyon.
Ang Pambansang Pulisya ay patuloy na ipapatupad ang naaayon sa batas partikular sa pagsawata sa mga taong sangkot sa ilegal na droga.
Source: Aroroy MPS
###
Panulat ni Patrolman Jomar Danao
