Lucena City, Quezon – Matagumpay na naisagawa ang simultaneous Clean-up Drive/Oplan Baklas ng Quezon PNP sa Barangay 6, 7 at 8, ng Lucena City, Quezon nitong Biyernes, Mayo 13, 2022.
Pinangunahan ng Quezon Provincial Force Unit sa pamumuno ni Police Lieutenant Colonel Mary Geneffer Encabo, Provincial Chief, katulong ang Lucena City Police Station sa pamumuno ni Police Lieutenant Colonel Reynaldo Reyes, Chief of Police.
Nakiisa rin ang mga Officers at miyembro ng Kabataan Kontra Droga at Terorismo, Barangay Chapters/Interim at Force Multipliers Sectors na Barangay Peace Action Teams, Prime Movers, Task Force Kasanag, LGBT, p Women Sector at KKADAT – Ating Barkada Kontra Droga.
Ayon kay PLtCol Encabo, bandang 6:00 ng umaga nagsimula ang grupo na baklasin at linisin ang mga ginamit na campaign materials nitong National and Local Elections, bukod pa ang mga basura at kalat na naiwan.
Patuloy na hinihikayat ng Pambansang Pulisya ang mga mamamayan lalo na ang mga kabataan na makiisa at makilahok sa mga programang inilunsad ng pamahalaan upang mapanatili ang kalinisan at kaayusan ng komunidad.
###
Police Executive Master Sergeant Joe Peter Cabugon/RPCADU 4A
