Taguig City — Tinatayang nasa Php197,200 halaga ng shabu ang nakumpiska sa isang street sweeper sa buy-bust operation ng Taguig City PNP nitong Biyernes, Mayo 13, 2022.
Kinilala ni SPD Director, Police Brigadier General Jimili Macaraeg ang suspek na si Gina Batao y Paslangan alyas “Gina”, 49 at residente ng Taguig City.
Ayon kay PBGen Macaraeg, dakong 6:15 ng umaga naaresto si Batao sa Sitio Bagong Pag-Asa Gate 3, Brgy. Western Bicutan ng mga operatiba ng Station Drug Enforcement Unit (SDEU) ng Taguig City Police Station.
Nakumpiska kay Batao ang anim na heat-sealed transparent plastic sachet na naglalaman ng hinihinalang shabu na humigit-kumulang 29 gramo at may Standard Drug Price na Php197,200, Php500 na ginamit bilang buy-bust money at isang brown coin purse.
Mahaharap si Batao sa kasong paglabag sa RA 9165 o Comprehensive Dangerous Drugs Act of 2002.
“I would like to commend Taguig Police on their latest accomplishment, this is manifestation of your hard work and dedication to keep Taguig City free from illegal drugs, I believe that our troops on the ground are giving their best para mapuksa ang supply at demand ng gamot sa aming lugar at bilang inyong District Director ay lubos akong nagpapasalamat tungkol dito” ani PBGen Macaraeg.
Source: SPD PIO
###
Panulat ni PSSG Remelin M Gargantos
