Davao City – Matagumpay na naiturn-over ang Php300,000 halaga ng Seed Capital Fund (SCF) para sa pangkabuhayan ng mga residente ng Tabing Ilog, Brgy. Tigatto, Buhangin District, Davao City, nitong Biyernes, Mayo 13, 2022.
Naisakatuparan ang nasabing aktibidad sa tulong ng Revitalized-Pulis sa Barangay sa pangunguna ni PCpt Ronaldo Henson upang mabigyan ng puhunan ang mga miyembro ng Tigatto Quarry EO 70 Sustainable Livelihood Program Association sa ilalim ng Executive Order No. 70.
Ito ay upang matulungan ang mga miyembro nito na magkaroon ng pagkakakitaan para sa kanilang pang araw-araw na pamumuhay na labis na ipinagpapasalamat ng mga miyembro ng asosasyon.
Kasama sa mga dumalo sina PLtCol Nolan Raquid, R-PSB Overall Coordinator/Chief, City Information and Communication Technology Management Unit; PMaj Bernie Suaga, Station Commander, Police Station 5; 1Lt Kevin Fulgar, Civil Military Operations Officer, PA; at iba pang ahensya ng gobyerno na siyang naging katuwang ng R-PSB Cluster 16 upang maisakatuparan ang nasabing pangkabuhayan at aktibidad.
Samantala patuloy naman ang pagpapaabot ng R-PSB ng Police Regional Office 11 sa pamumuno ni PBGen Benjamin Silo Jr. ng maraming tulong at serbisyo katuwang ang iba’t ibang ahensya ng gobyerno sa mga lubos na nangangailangan.
###
Panulat ni Patrolwoman Rose Ann Delmita
