Bauang, La Union – Arestado ng Bauang Police Station ang Top 5 Most Wanted Person sa bayan ng Bauang, La Union nito lamang Biyernes, Mayo 13, 2022.
Kinilala ni Police Major Cresencio Abila, Jr., Acting Chief of Police ng Bauang Police Station ang suspek na si Alejandro Pio Rimorin y Floresca, 72, residente ng Brgy. Ballay, Bauang, La Union.
Ayon kay PMaj Abila, naaresto ang suspek sa bisa ng Warrant of Arrest ng pinagsamang tauhan ng Bauang PS at Provincial Intelligence Unit ng La Union Police Provincial Office dahil sa mga kasong 3 Counts ng Acts of Lasciviousness kaugnay sa RA 7610; paglabag sa section 10 (A) ng RA 7610; at Rape by Sexual Assault under Art 266-A.
Dagdag pa ni PMaj Abila, na ang Bauang PNP ay lubos na nagpapasalamat sa epektibong kooperasyon ng mga mamamayan na nagresulta sa pagkaaresto ng suspek.
Patuloy ang Bauang PS sa pagtugis sa mga nagtatago sa batas upang sila ay mahuli at mananagot sa kanilang mga kasalanan.
Source: Bauang Police Station
###
Panulat ni PSSg Bader Ceasar B Ayco
