Camp Sotero Cabahug, Gorordo Av., Cebu City – Naaresto ng mga tauhan ng Cebu City Mobile Force Company ang isang babae na may kasong Estafa nito lamang Huwebes, Mayo 12, 2022.
Kinilala ni PLtCol Wilbert Parilla, Officer-in-Charge ng CMFC ang nasakote na si Madeline Hisoler, 46, residente ng Candiongco Apt., Sun Valley, V. Rama St., Guadalupe, Cebu City.
Ayon kay PLtCol Parilla, nahuli ang suspek bandang 9:45 ng umaga sa bisa ng Warrant of Arrest sa operasyon na ikinasa ng mga miyembro ng CMFC at Consolacion Municipal Police Station, CPPO.
Ngunit bago pa man nila ito mahuli ay napag-alamang nauna na itong inaresto ng CIDG7 RFU sa kaparehong kasong estafa kaya’t minarapat na manatili siya sa kustodiya ng CIDG7 RFU kung saan siya naaresto para sumailalim sa proper disposition.
Walang ibang hangad ang PNP kung hindi ang mabigyan ng hustisya ang mga kababayan nating naging biktima ng mga tulisan, kaya patuloy ang mga ito sa pagkamit ng kanilang mga hangarin.
###
