Cagayan de Oro City – Timbog ang tatlong suspek sa mismong araw ng halalan sa magkahiwalay na operasyon ng Regional Special Operations Unit 10 nito lamang Lunes, Mayo 9, 2022.
Kinilala ni Police Brigadier General Benjamin Acorda Jr, Regional Director ng Police Regional Office 10, ang mga suspek na sina Leve G. Rubio; Romer S. Plaza at Roy Abe A. Acot.
Ayon kay PBGen Acorda, si Rubio ay kasalukuyang nakatira sa Purok 1D, Kuya Maramag, Bukidnon na naaresto sa paglabag ng Article 250 ng Revised Penal Code at may rekomendadong piyansa na Php200,000.
Samantala, arestado si Plaza na residente ng P-3 Hermano, Balingasag, Misamis Oriental sa kasong Estafa.
Kalaboso naman si Acot na residente ng P-2, Binitinan, Balingasag, Misamis Oriental sa bisa ng Warrant of Arrest para sa kasong Theft.
“Malaking tulong ang paggawa ng Project na ito for they were able to capture people with existing warrants of arrest. Kahit pa man eleksyon, hindi pa rin natin hahayaan na makaligtas ang may mga kasalanan sa ating batas,” ani PBGen Acorda.
Source: Police Regional office 10-PIO
###
Panulat ni Police Staff Sergeant Grace Neville Ortiz
