Lipa City, Batangas – Arestado ang dalawang Most Wanted Person sa isinagawang manhunt operation ng Lipa PNP nitong Miyerkules, Mayo 11, 2022.
Kinilala ni Police Lieutenant Colonel Ronald Cayago, Chief of Police ng Lipa City Police Station, ang dalawang suspek na sina Raymond Mahiya y Bagacay, 24, walang trabaho at Jerome Mahiya y Bagacay, 26, walang trabaho, pawang mga residente ng Brgy. Lumbang, Lipa City, Batangas.
Ayon kay PLtCol Cayago, bandang 12:23 ng hapon naaresto ang mga suspek sa nasabing barangay ng mga operatiba ng Lipa City Police Station sa bisa ng Warrant of Arrest para sa kasong Frustrated Homicide.
Ang tagumpay ng Lipa City PNP laban sa mga taong may pananagutan sa batas ay dahil sa suporta at pakikipagtulungan ng mga miyembro ng Barangay Information Network na nagbibigay ng tama at matibay na impormasyon para ilagay sa likod ng rehas ang may sala sa batas.
###
Panulat ni Police Executive Master Sergeant Joe Peter Cabugon
