Agusan del Sur – Boluntaryong sumuko ang dalawang miyembro ng New People’s Army (NPA) sa mga otoridad sa Patin-ay, Prosperidad, Agusan del Sur nito lamang Huwebes, Mayo 12, 2022.
Kinilala ni Police Colonel Jovito Canlapan, Acting Provincial Director ng Agusan del Sur Police Provincial Office, ang dalawang sumuko na sina alyas “Jasper” at alyas “J-4”.
Dagdag pa ni PCol Canlapan, bandang 9:45 ng umaga sumuko si Jasper sa mga tauhan ng Provincial Intelligence Unit. Si Jasper ay kasalukuyang nakatira sa Purok 6, Brgy San Pedro, San Luis, Agusan del Sur at tinaguriang Vice Team Leader ng Squad 1, Platoon 1, Sandatahang Yunit Pampropaganda, Dismantled Guerilla Front (DGF) 88, North Eastern Mindanao Regional Committee (NEMRC).
Samantala, bandang 9:45 ng umaga naman nang sumuko si “J-4” na residente ng Purok 6, Brgy. Don Alejandro, San Luis, Agusan del Sur na miyembro din ng DGF 88, North Eastern Mindanao Regional Committee (NEMRC).
Boluntaryo ding sinuko ni J-4 ang isang homemade revolver caliber .38mm.
Ang pagsuko ng dalawang miyembro ng NPA ay pagpapakita ng magandang resulta ng pursigidong pagkumbinsi ng pamahalaan katuwang ang PNP sa mga teroristang grupo na tigilan na ang terorismo at magbalik loob sa gobyerno.
###
Panulat ni Patrolman Jhunel Cadapan/RPCADU13
