Caloocan City — Nagsagawa ng Community Outreach Program ang National Capital Region Police Office (NCRPO) para sa mga residente ng Brgy. 176 sa Caloocan City bandang alas-9:00 ng umaga ng Huwebes, Mayo 12, 2022.
Ito ang ikatlong barangay-beneficiary ng Community Outreach Program na isinagawa ng RCADD sa panahon ng post-election sa pangangasiwa ni RCADD Chief, Police Colonel Romy Palgue at ni Regional Director Police Major General Felipe Natividad.
Ang aktibidad ay dinaluhan ng RCADD Team at RMFB sa pangunguna ni Deputy Force Commander Police Lieutenant Colonel Wilmar Binag; Police Lieutenant Colonel Bernabe Irinco, ACOPO, Caloocan CPS; Police Lieutenant Marcelino Pino, Chief, CAS, JTF-NCR; at RCSP Team 3 sa pangunguna ni PSSg Pellogan at ni Hon. Joel S. Bacolod, Chairman ng Brgy. 176.
Humigit-kumulang 300 na benepisyaryo ang nabigyan ng libreng almusal at food packs sa lugar at namahagi rin ng mga handbook at flyers na naglalaman ng mahalagang impormasyon at hotline number ng mga ahensya sa Lungsod.
Samantala, nagbigay naman ng testimonya ang dating miyembro ng CTG na si Danmer John De Guzman kung saan kanyang sinalaysay ang buhay niya sa makakaliwang organisasyon at piniling magbalik-loob sa gobyerno.
Nakipagtalakayan din si PCol Palgue sa ilan sa mga residente at tinitiyak nyang ipagpapatuloy ng pulisya ang mga aktibidad na ito para sa kanila.
Ang programang ito ng NCRPO ay naglalayon na mapalalim at mapatatag ang relasyon ng komunidad sa kapulisan nang maipadama sa mga mamamayan ang pagmamahal na mula sa gobyerno upang sila’y malihis sa mga negatibong sentimyento at maling ideolohiya ng terorismo.
Source: NCRPO
###
Panulat ni PSSg Remelin M Gargantos
