Sta. Cruz, Occidental Mindoro – Arestado ng PNP ang Most Wanted Person ng Occidental Mindoro sa kasong Murder sa Brgy. Kurtinganan, Sta. Cruz, Occidental Mindoro noong Mayo 9, 2022
Kinilala ni Police Colonel Simeon Gane Jr., Provincial Director ng Occidental Mindoro Police Provincial Office ang suspek na si Tolentino Banzon Isidro, 54, at kasalukuyang naninirahan sa Brgy. Kurtinganan, Sta. Cruz, Occidental Mindoro.
Ayon kay PCol Gane Jr, inaresto ang suspek bandang 10:16 ng umaga ng pinagsanib puwersa ng Provincial Intelligence Unit ng Occidental Mindoro Police Provincial Office (Lead Unit) at Sta. Cruz Municipal Police Station sa bisa ng Warrant of Arrest para sa kasong Murder na walang inirekomendang piyansa.
Ito ang resulta ng direktiba ni PCol Simeon Gane Jr., Provincial Director ng Occidental Mindoro Police Provincial Office sa kampanya laban sa kriminalidad sa buong lalawigan.
Source: Occidental Mindoro Police Provincial Office
###
Panulat ni Patrolman Jorge Michael C Bardiago
