Caloocan City — Arestado ang isang lalaki dahil sa hawak nitong improvised na baril sa kahabaan ng Ponce St. Barangay 134 Bagong Barrio, Caloocan City bandang 6:50 ng gabi, Mayo 10, 2022.
Kinilala ni Police Lieutenant Colonel Jay Dimaandal, Chief, District Special Operations Unit-NPD, ang suspek na si Cresencio Tismo y Castro, 46 at residente ng Barangay 134, Bagong Barrio, Lungsod ng Caloocan.
Ayon kay PLtCol Dimaandal, nakatanggap ng impormasyon ang kanilang himpilan mula sa isang concerned citizen tungkol sa isang lalaki na may hawak umano ng baril sa nabanggit na lugar.
Agad na beneripika ang naturang impormasyon sa pangunguna ni Police Captain Melito Pabon ng DSOU at dito nila naaktuhan ang suspek na naglalakad hawak nga ang isang improvised na baril.
Pagkatapos mahuli si Tismo, nakumpiska rin sa kanya ang isang piraso ng bala.
Mahaharap ang suspek sa kasong paglabag sa Sec. 28 ng RA 10591 o Illegal Possession of Firearms and Ammunition in relation to Omnibus Election Code.
Patuloy namang tutugon sa lahat ng reklamo o sumbong ang buong himpilan ng NPD para maiwasan at agad marespondehan ang anumang kaguluhan o insidente sa kanilang nasasakupan.
Source: NPD PIO
###
Panulat ni Police Corporal Casuga
