Agoo, La Union – Nasabat ang Php347,000 halaga ng shabu sa dalawang indibidwal sa buy-bust operation ng Police Regional Office 1 sa Agoo, La Union nitong Martes, Mayo 10, 2022.
Kinilala ni PBGen Westrimundo Obinque, PRO1 Regional Director, ang suspek na sina Mary Rose Caspe y Maninding, 29, residente ng Cabilocaan, Calasiao, Pangasinan at Jerome Edano y Vinluan, 34, na residente naman ng Poblacion, Mangaldan, Pangasinan.
Ayon kay PBGen Obinque, naaresto ang mga suspek bandang alas-8 ng gabi sa Lazaro Resort, Sitio Cabaguan, Brgy. San Julian, Agoo, La Union ng mga operatiba ng Regional Police Drug Enforcement Unit 1, Agoo Municipal Police Station, Philippine Drug Enforcement Unit 1 La Union Provincial Office (PDEA LUPO), Philippine Drug Enforcement Unit 1 Regional Satellite Extension Team (PDEA RSET), at Pangasinan Police Drug Enforcement Unit (PPDEU).
Ayon pa kay PBGen Obinque, nakumpiska sa mga suspek ang isang malaking pakete ng hinihinalang shabu na tinatayang may bigat na 55 gramo na may Standard Drug Price na Php374,000.
Nahaharap ngayon ang mga suspek sa kasong paglabag sa Repulic Act 9165 o Comprehensive Dangerous Drugs Act of 2002.
Ang tagumpay ng PRO1 sa kampanya nito laban sa ilegal na droga at kriminalidad ay bunga ng pakikipagtulungan at pakikiisa ng mamamayan sa kapulisan.
Source: Police Regional Drug Enforcement Unit 1
###
Panulat ni PSSg Vanessa Natividad/RPCADU1
