Maguindanao – Natagpuan ng isang concerned citizen ang isang hinihinalang Improvised Explosive Device o IED sa Brgy. Nanay Poblacion, Shariff Aguak, Maguindanao, nito lamang Mayo 9, 2022.
Ayon kay Police Lieutenant Lucky Seigfred Sibayan, Officer-in-Charge ng Shariff Aguak Municipal Police Station, isang concerned citizen ang tumawag sa kanilang himpilan para iulat ang natagpuang hinihinalang IED.
Ayon pa kay PLt Sibayan, agad itong nirespondehan ng mga tauhan ng Shariff Aguak PNP para beripikahin ang nasabing ulat.
Patuloy naman ang isinasagawang imbestigasyon ng Shariff Aguak MPS upang matukoy ang mga nasa likod ng pagkakagawa ng nasabing IED gayundin ang lokasyon ng mga salarin upang sampahan ng kaukulang kaso.
###
Panulat ni Patrolman Charlie Nasroden Corpuz
