La Trinidad, Benguet – Nagtapos ang 99 na mga aktibong miyembro ng Police Regional Office Cordillera ng Basic Internal Security Operations Course (BISOC) na ginanap sa Masigasig Grandstand, Camp Major Bado Dangwa, La Trinidad, Benguet nito lamang Martes, Disyembre 27, 2022.
Ang aktibidad ay pinangunahan ni Police Brigadier General Patrick Joseph Allan, Deputy Regional Director for Administration bilang Panauhing Pandangal at Tagapagsalita.
Kasama rin sa naturang aktibidad sina Police Colonel Leon Talleo, Chief, Regional Special Training Unit – Cordillera (RSTU-COR); Police Lieutenant Colonel Dyann Bangcawayan, Deputy Chief Regional Special Training Unit – (RSTU) COR; Police Lieutenant Colonel Ferdinand Oydoc, Officer-In-Charge, Regional Learning and Doctrine Development Division (RLDDD) at iba pang PNP PROCOR Officers at personnel.
Layunin ng specialized course na BISOC na hubugin ang kaalaman sa pakikibaka lalo na sa pagsisiguro ng katahimikan at kaayusan sa kanilang nasasakupan na sandata upang puksain ang anumang uri ng kriminalidad at terorismo na hadlang sa pagkamit ng tunay na kapayapaan at kaunlaran sa ating inang bayan.
Source: Police Regional Office Cordillera
