General Santos City – Narescue ang siyam na menor-de-edad na pinaniniwalaang biktima ng human trafficking ng mga tauhan ng Women and Children Protection Desk (WCPD) ng Police Regional Office 12 at PNP Aviation Security Unit 12 sa General Santos City International Airport nito lamang Enero 31, 2023.
Ayon kay Police Major Rommel Hitalia, Station Chief ng Aviation Security Unit 12, may koordinasyon na ang WCPD PRO 12 sa kanilang himpilan ukol sa pag-alis ng mga naturang menor-de-edad patungong Manila.
Samantala, pinuri ni Police Brigadier General Anthony Aberin, Director ng Aviation Security Group, ang mabilisang aksyon ng AVSEU 12 at iba pang ahensya ng gobyerno upang paigtingin ang kampanya laban sa human trafficking at managot ang mga may sala sa batas.
Panulat ni PSSg Grace Neville Ortiz
