Bataan – Tinatayang 800 na miyembro ng Central Luzon PNP ang na-deploy sa pagdiriwang ng Araw ng Kagitingan sa Mt. Samat National Shrine, Pilar, Bataan nito lamang Lunes, ika-10 ng Abril 2023.
Pinangunahan ni Police Brigadier General Jose Hidalgo Jr., Regional Director ng Police Regional Office 3, ang mahigpit na seguridad para sa maayos at payapang pagdiriwang ng Araw ng Kagitingan.
Dinaluhan din ito ni President Ferdinand Marcos Jr., kasama ang mga iba’t ibang ahensya ng pamahalaan, Filipino Veterans at Boys Scout of the Philippines.
Ang naturang pagdiriwang ay may temang “Kagitingan ng mga Beterano, Pundasyon ng Nagkakaisang Pilipino”.
Ayon sa ulat ni PBGen Hidalgo, pinasara lahat ng mga daan na papunta sa Dambana ng Kagitingan para sa seguridad at kaligtasan na rin ng mga dumalo at turista sa naturang lugar.
Source: Police Regional Office 3
Panulat ni Police Corporal Jeselle Rivera/RPCADU3
