Bulacan – Arestado ang walong suspek sa isinagawang buy-bust operation ng PRO 3 sa Barangay Taal, Malolos City, Bulacan nito lamang Lunes, Agosto 8, 2022.
Kinilala ni Police Lieutenant Colonel Ferdinand D Germino, Acting Chief of Police ng Malolos City Police Station, ang mga suspek na parehong residente ng Barangay Taal, Malolos City, Bulacan na sina Dennis Mateo Asne, 41; Andy Garcia y Tolentino, 40; Roellizza Dimafelix Butihan, 43; Ronald Cundangan y Tapia, 48; Virgilio De Jesus Jr y Polanco, 43; Gerime Dagate Roxas, 24; Marcelina Espinosa y Morales, 53 at Winnie Cruz y Tapia, 45.
Ayon kay PLtCol Germino, bandang 11:35 ng gabi nang naaresto ang mga suspek ng pinagsanib na puwersa ng Malolos City Police Station, Special Operation Unit 3, PNP Drug Enforcement Unit at Philippine Drug Enforcement Agency Regional Office 3.
Ayon pa kay PLtCol Germino, narekober mula sa mga suspek ang nasa humigit kumulang 10 gramo ng hinihinalang shabu na may tinatayang halaga na Php68,000 at Php500 marked money.
Nahaharap ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya ang ating bansa sa ipinagbabawal na gamot na sumisira sa kinabukasan ng ating mamamayan.
Source: Malolos City Police Station
###
Panulat ni Police Corporal Jeselle V Rivera
