Maharlika, Taguig City — Nagsagawa ang 7th Mobile Force Company ng Regional Mobile Force Battalion ng Feeding Program sa Maharlika Village, Taguig City nito lamang Huwebes, Setyembre 15, 2022.
Ang naturang programa ay pinangunahan ng mga tauhan ng Community Affairs Section sa pangunguna ni Police Lieutenant Joel James Jose D De Guzman, PCR PCO sa ilalim ng pangangasiwa ng Julm-Musa S Saat, Company Commander.
Namahagi ng pack meal ang mga kapulisan sa 150 na residente ng nasabing lugar upang makatulong sa mga lubos na nangangailangan.
Tinitiyak ng RMFB na patuloy ang pagsasagawa nila ng ganitong mga programa upang maipadama sa ating mga kababayan ang pagmamalasakit at pagmamahal mula sa ating Pambansang Pulisya.
Source: Seventh MFC RMFB NCRPO
Panulat ni PSSg Remelin M Gargantos
