Abulug, Cagayan – Nagsagawa ng Feeding Program ang mga miyembro ng Abulug Police Station sa Sitio Maquire, Barangay Lucban, Abulug, Cagayan nito lamang Sabado, Setyembre 3, 2022.
Ayon kay Police Captain Julius D Villamor, Hepe ng Abulug Police Station, nasa 75 na bata ang naging benepisyaryo ng feeding program kasunod ng film viewing na kinapulutan ng aral ng mga bata.
Maayos at matagumpay ang aktibidad dahil sa tulong at suporta ng My Brother’s Keeper Life Coaches, mga guro, Kabataan Kontra Droga at Terorismo at opisyales ng nabanggit na barangay.
Ang mga ganitong hakbangin ng Pambansang Pulisya ay pagpapakita ng malasakit at pagkalinga sa mga kabataan upang mapalapit at hindi matakot ang mga bata sa mga kapulisan.
Source: Abulug PS
Panulat Ni Police Corporal Carla Mae P Canapi
