Sta. Catalina, Negros Oriental – Kasabay ng pagsasagawa ng community outreach program ng mga miyembro ng 705th Mobile Company ng Regional Mobile Force Battalion 7, ibinahagi ng mga otoridad ang isang set ng school supply sa mga mag-aaral ng Kakha Elementary School, Sitio Kakha, Brgy. Talalak, Sta. Catalina nito lamang umaga ng Biyernes, ika-17 ng Hunyo 2022.
Ang naturang aktibidad ay pinangunahan ng Company Commander ng 705th MC, Police Captain Jade Asiong Basingao at masugid na sinuportahan at pinangasiwaan ni Police Lieutenant Ronan Claraval, RMFB 7, Force Commander.
Ayon naman kay Police Captain Basingao, ang mga estudyante ng nasabing paaralan ay tumanggap ng lapis, notebook, school pads at iba pa.
Nagpapasalamat naman ang mga estudyante sa mga gamit na kanilang natanggap na lubos na magagamit sa kanilang pag-aaral.
Ang hakbangin na ito ng  PNP ay patunay sa kanilang pagkabukas palad upang umalalay sa mga kababayan nating may pangangailangan at upang itanim sa isip ng mga kabataan ang kahalagahan ng edukasyon.
###
