Pasong Tamo, Quezon City (February 17, 2022) – Patay ang isang suspek matapos ang komprontasyon sa pagitan ng operating Team ng QCPD PS14 sa kahabaan ng No. 264 Visayas Ext., Pasong Tamo, Quezon City nito lamang Pebrero 17, 2022 bandang 2:50 ng madaling araw.
Kinilala ang suspek na si Arthur Agpalo na nahaharap sa kasong paglabag sa RA 10591 o Comprehensive Firearms and Ammunition Regulation Act at Frustrated Murder.
Ayon sa ulat, inaresto ang suspek dahil sa paglabag sa RA 10591 at Frustrated Murder ngunit nakatakas siya sa mga awtoridad at nagtungo sa Commonwealth Avenue. Pinagbabaril ng nasabing suspek ang Operating Team ng Quezon City Police District Police Station 14 at tumakas sakay ng Mitsubishi Pajero.
Nagtungo ang suspek sa bahay ng kanyang kasintahan at dito na naganap ang armadong komprontasyon, dito na rin nagawang ihostage ng suspek ang pitong (7) biktima habang ang isang biktima ay bihag ng suspek.
Agad naman itong nailigtas ng Operating Team ng QCPD PS14 ang mga biktima habang ang suspek naman ay na-neutralize at isinugod sa East Avenue Medical Center para magamot ngunit idineklara itong Dead on Arrival.
Mabilis at maingat na pag-aksyon ang ipinamalas ng QCPD PS-14 sa pangyayaring ito. Patunay lamang na ginagampanan ng ating mga kapulisan ang kanilang sinumpaang tungkulin.
###
Panulat ni Patrolwoman Nica v Segaya
