Nadakip ang pang-anim (6) sa Most Wanted ng NCRPO – Muntinlupa City Police Station, Southern Police District, sa isang pinagsanib na operasyon noong Septyembre 10, 2021 sa Purok A, Brgy. Quintas, Leganes, Iloilo.
Sa ulat na isinumite ni SPD Director, PBGen Jimili Macaraeg, natukoy ng pinagsanib na mga operatiba ng Warrant at Intelligence Section ng Iloilo City Police Station 1 sa superbisyon ni Police Captain Shell Mae A. Sangrines, kasama sina PLt Rolando O. Ty, Chief, GIU ANCAR at PLt Roberto S. Pareño JR., Chief, Warrant at Subpoena Unit ng Muntinlupa CPS sa ilalim ng superbisyon ni PCol Melecio Maddatu Buslig, Jr, Chief of Police, Muntinlupa City at PSSg Arnel Failanga, PCpl Reymond M. Ofiaza sa superbisyon ni PMaj Roy P. Tayona, Leganes MPS, inaresto ang akusado na kinilalang si Nilo Villamino y Ances, 41 taong gulang.
Ang akusado ay inaresto sa bisa ng Warrant of Arrest na inilabas ni Hon. Presiding Judge Marian Guzon Bien ng Regional Trial Court Branch 153, Taguig City, para sa krimen na Murder (RPC ART 248), docketed sa criminal case number 5011, may petsang Hunyo 7, 2021, walang rekomendadong piyansa.
Sa kasalukuyan, ang akusado ay nasa kustodiya ng Iloilo City Police Station 1 para sa maayos na disposisyon bago ibalik ang Warrant of Arrest sa korteng pinagmulan.
“Sa sama-samang pagtutulungan ng iba’t ibang unit ng ating kapulisan, mas mapapadali ang pagtugis at paghuli sa mga akusadong nagtatago sa batas. Makakaasa kayong hindi kami titigil hangga’t hindi nakukulong at nagbabayad ang mga taong ito sa kanilang ginawang krimen,” sabi ni PMGen Danao. (NCRPO-PIO/Isinalin sa Tagalog ni NUP Loreto B. Concepcion)
