Piat, Cagayan – Matagumpay na naisagawa ang Blessing at Turn-over ng 2nd Libreng Pabahay ng Cagayan PNP sa barangay Apayao, Piat, Cagayan nito lamang Hulyo 19, 2022.
Ang aktibidad ay pinangunahan ni PLtCol Haroun C Pagador, Deputy Provincial Director for Operation, CPPO sa ilalim ng liderato ni Police Colonel Renell R Sabaldica, Povincial Director, Cagayan na dinaluhan din ni PCol Mario Malana, Chief, RCADD, PRO2 kasama ang mga tauhan ng PCADU, Piat Police Station at ilang lokal na opisyal ng Cagayan.
Ayon kay PCol Sabaldica, ang napili nilang benepisyaryo ay si Ginang Flordeliza Villamor, 67, balo, naghahanap-buhay sa pamamagitan lamang ng buy and sell ng mga produktong tabako, saging at iba pa.
Naging emosyonal naman at lubos na nagpapasalamat si Ginang Villamor sa tulong at sorpresang handog ng mga kapulisan.
Bukod dito, nagkaroon ng Feeding Program sa 120 indibidwal at 50 pamilya ang nakatanggap ng food packs sa nasabing barangay.
Ang proyektong pabahay ay tuloy tuloy na isasagawa ng PNP sa rehiyon dos upang maipakita pa ang mas malalim na ugnayan sa mamamayan.
Source: Cagayan PPO
###
Panulat ni Police Corporal Jermae D Javier
